Arica ukhamarak Parinacota Suyun Delegado Presidencial Regional, Cristián Sayes Maldonado, jupax gabinete regional ukankir jilïrinakamp chikaw Delegación Presidencial Regional ukan “Presidente Carlos Ibáñez del Campo” Salón de Honor sat chiqan tantachasïna. Ukansti Presidente José Antonio Kast jilatan nayrïr Cuenta Pública ukan yatiyäwip ist’apxäna. Uka tantachäwinx Presidente ukax apnaqäwipan nayrar sartäwinakapa ukhamarak jutir maranakan Gobierno ukan nayrïr amtanakap qhanstayäna.
Ukhamaraki, Delegado ukax Gobierno ukan beneficios sociales jark’aqañ amtap jach’añchäna. Jupax qhanstayäna Gobierno ukax beneficios sociales ukanak katxaruñataki ukhamarak Plan Chile Sale Adelante sat programa nayrar sartayañatak ch’amanchaskatap. Uka amtanakatxa wali uñt’atawa machaq yanapt’äwi: sapa phaxsi $30.000 pesos sapa yuqallataki jan ukax imillataki, 0 ukat 13 marani wawanakarux, Registro Social de Hogares ukan 80% juk’amp pisi qullqin familiankirinakar churañataki.
Yaqha wali wakiskir amtax Registro Nacional de Vándalos sat registro lurañawa. Aka iniciativa ukax violencia luririnakaru, patrimonio q’añuchirinakaru ukhamarak markachirinakan suma jakañapar jan walt’ayirinakar sancionañatakiwa. Aka registro ukan qillqt’at jaqinakax yaqhip beneficios sociales ukanak apt’asiñapatakiw amuyt’ata.
Autoridad regional ukax sarakïnwa Cuenta Pública ukax qullqi tuqin nayrar sartäwi ukhamarak irnaqäwi uñstayañataki suma chimpunak churatapa. Gobierno ukax economía nacional ch’amanchañataki ukhamarak suyunakan machaq oportunidades uñstayañataki mä jach’a crecimiento amtap qhanstayi. Ukatwa inversión ch’amanchaña, familianakar yanapt’aña ukhamarak delincuencia contra suma ch’axwaña, Arica ukhamarak Parinacota suyun nayrar sartäwipataki wali wakiskirïtap qhanstayi.
Aka tuqitxa, Delegado Presidencial ukax akham sänwa:
«Presidente José Antonio Kast jilatan luratan yatiyäwinakapax jiwasan suyun llakisiñanakaparuw chiqak jaysi. Frontera control ch’amanchañataki, migración irregular ukar saykatañataki ukhamarak crimen organizado ukar nuwasiñataki luratan amtanak jach’añchapxtwa. Aka jan walt’äwinakax walja maranakaw markachirinakan seguridad ukhamarak suma jakañapar jan walt’ayawayi.»
Ukhamarakiw sarakïna:
«Plan Chile Sale Adelante, beneficios sociales katxaruña ukhamarak sapa yuqallataki $30.000 pesos yanapt’äwi, juk’amp pisi qullqin familiataki wali askïtap jach’añchapxtwa. Ukhamaraki Registro Nacional de Vándalos lurañ amtarus wali askit uñjtanwa, kunatix taqi chileno markachirin qullqipat yanapt’äwinakax nayraqat ley phuqhirinakaruw puriñapa, markanakapan suma jakañapataki yanapt’irinakaru ukhamarak markachirjam lurañanakap phuqhirinakaru.»
Qhipharusti, Delegado Presidencial ukax Gobierno ukan Arica ukhamarak Parinacota suyun nayrar sartäwipataki ch’amanchasitap mayamp qhanstayäna. Jupax sänwa Presidente José Antonio Kast ukan yatiyatan amtanakapax mä juk’amp seguro suyu lurañataki, juk’amp irnaqäwinakampi, nayrar sartäwi oportunidadesampi ukhamarak familiataki yanapt’ir Estado ukampiw sarantañ muni.
